Nava convoca’l concursu de relatos sidreros

El Conceyu de Nava convoca'l II Concursu de Relatos Curtios ‘Festival de la Sira”, p'autores nuevos. La temática ye “La sidra” y los relatos van tar escritos en llingua española o asturiana.

Establezse un únicu premiu de 150 euros y un diploma. Van poder presentase mozos con edaes entendíes ente los 14 y 35 años, de cualesquier nacionalidá y residencia, con un llargor máximu de tres fueyes en formatu A4 por una sola cara. Cada autor va poder presentar un máximu de dos relatos, que nun fueren premiaos n'otros concursos.
 
Les obres van apurrise a l’Axencia de Desenvolvimientu Local del Conceyu de Nava, pudiendo faCese de dos maneres, per corréu postal o per corréu electrónicu. Les obres presentaes a concursu van quedar en poder del Conceyu pa una futura posible edición de los relatos ganadores. Poro, la participación nel concursu trai l'autorización espresa del autor o autora a que'l so relatu inclúyase nesa publicación.
 
La decisión del Xuráu va faCese pública previsiblemente'l día 6 de xunetu de 2010. La entrega de premios va tener llugar el día 7 de xunetu de 2010 nel salón d'actos del Muséu de la Sidra con posterioridá a la conferencia que va tener llugar esi día.
 
Más información na Axencia de Desenvolvimientu Local 985 71 60 08 (adl@ayto-nava.es) y tamién na Oficina d’Información Xuvenil 985 71 66 53 (oijnava@lacomarcadelasidra.com).