Pontevedra apoya a Uviéu como Capital Europea de la Cultura

|

El vicepresidente de la Diputación de Pontevedra, José Manuel Figueroa, ofreció'l so apoyu a la candidatura d'Uviéu a Capital Europea de la Cultura nel 2016.

Mientres un actu de promoción turística de les Rias Baixas celebráu na capital del Principáu, recordó qu'asturianos y gallegos tán siempre "uníos col corazón" y mostróse dispuestu a "poner el so granín d'arena".

La campaña, que promueve les ríes de la provincia de Pontevedra, les sos conserves de pexes y mariscos y los vinos con denominación d'orixe Rías Baixas va estendese hasta'l próximu 15 de xunu con presentaciones nes principales capitales del noroeste peninsular y nel norte de Portugal.
 
Mientres la so intervención, Figueroa consideró que l'acabación de l'Autovía del Cantábricu va suponer "un cambiu nel tráficu de visitantes ente Galicia y Asturies, al asitiar les capitales del norte a dos hores y media de viaxe per carretera. Destacó amás la importancia del AVE porque "les comunicaciones son fundamentales nel turismu de proximidá".

El pontevedrés refirióse a Uviéu como una ciudá "referente" pol so procesu de tresformación y llamentó que'l turismu fuera'l sector tradicionalmente olvidáu poles alministraciones, pese a que, nel casu de Galicia, supón un 12 por cientu del PIB rexonal.
  
Pela so parte, el primer teniente d'alcalde del Conceyu d'Uviéu, José Agustín Iglesias Caunedo, refirióse a les Rías Baixas como un llugar escoyíu pa les escapaes y vacaciones de munchos uvieínos y animó a los asturianos a actuar como embaxadores en Galicia.
  
Iglesias Caunedo recordó que, na so carrera pola capitalidá, Uviéu trabaya va intensificar programes y actividaes que van meyorar la ufierta turística de la ciudá nunos tiempos "duros". "Uviéu ta preparada pa recibilos y sosprendelos como capital europea de la cultura nel 2016", aseguró.
  
Pela so parte, el director de Turismu del Principáu, José Luis Vega, dixo que les potencialidaes turístiques d'Asturies tán nos mercaos cercanos y nes comunidaes llenderes y animó a "los compatriotes de la España Verde" a siguir collaborando.
  
Según datos de l'Asociación Nacional de Fabricantes de Conserves (Anfaco) la producción de les industries conserveres gallegues representa'l 86 por cientu de la nacional y un 40 por cientu de la comunitaria y rexistra, amás, un importante volume d'esportación. El sector ocupa nesti momentu a 11.000 trabayadores, de los qu'un 80 por cientu son muyeres con una edá media de 45 años.

Comentarios

Hai que redactar de xeito diferente, que non sodes La Nueva Engaña, quen apoia é a Deputación de Pontevedra, non toda "Pontevedra". Non se pode falar de PIB "rexonal" (outra vez como La Nueva Engaña) xa que Asturias como Galiza non tán definidas cmo rexiois, uha como nacionalidade histórica e outra como comunidade autónoma.
E como non deixades poer comentarios na noticia del galego, pois é a mesma situación que el asturiano e teríades que corrixir esa toponimia que dá grima, por Ourense, A Costa da Morte, O Carballiño e O Ribeiro. Xa por traducir podedes poñer tamén El Carbayín... Felicitaciois por per Rías Baixas e non Ríes Baxes...
 

 
 Pueis si, ronca-y l'alma qu'Asturies.com tenga tan poucu procuru cona toponimia, nesti casu gal.lega. Inda esti día rabiéi viendo na LNE aberraciones del xeitu de "El Grove" ya mira p'acó...son cousas que nun s'entenden

Contador Estadistiques