Xixón acueye'l III Festival Rude Gaita

|

Esti sábadu, 17 d’Abril, va tener llugar nel Pabellón d’Asturies de la Feria de Muestres de Xixón, el III Festival Rude Gaita, que cuntará cola participación de La Tarrancha, Betagarri y Talco.

L’apertura de puertes tendrá llugar a les 19:30 hores y el conciertu entamará a les 20 h. El preciu del conciertu ye de 10 la entrada anticipada, que puede mercase nel Baruku de La Pola, na Llibrera Paradiso, en La Folixa y en La Xarana, de Xixón, y nel Posafuelles dUviéu.
 
Amás puen facese reserves nel corréu xuncarecords@gmail.com. La entrada en  taquilla tien un preciu de 12 euros. Tamién esiste la posibilidá de mercar la  entrada y el CD de Betagarri, Bizitzari Txistuka, a un preciu de 18 euros per anticipao y 20 en taquilla.
 
Per otru llau, Xunca Records y La Clau Produccions, entamen un segundu conciertu de los italianos Talco en Xixn. Sedrá al día siguiente, domingu 18 dAbril, na Sala DomPedro, allugada nel Paséu del Muru, 2 (énte la Escalerona). El conciertu entamará a les 22 hores y tendrá un preciu de 6 euros.
 
A les 100 primeres persones que merquen la entrada amosando la del III Rude Gaita, faeráse-yos un preciu especial de 2 euros.

Contador Estadistiques