Yá ta abierta la convocatoria del IX Concursu de Narraciones Curties Conceyu de Llaviana, que ta empobináu pol Serviciu de Normalización Llingüística.

Los trabayos, tanto en prosa como en versu, han tar redactaos en llingua asturiana, respetando les normes ortográfiques y gramaticales de l’Academia de la Llingua Asturiana, con un llargor máximu de 10 fueyes.

El próximu 14 de mayu va tener llugar una concentración contra la reforma llaboral, “nun podemos consentir que sigan desfarrapando Asturies”, indiquen los convocantes.

Según señalen los convocantes, na comarca d’Avilés van camín de los 15.000 paraos y Asturies ta averándose a los 100.000. “El 40% la mocedá ta en paru, la mayor parte la población trabayadora cobra sueldos miserables, siguen despidiéndonos cuando-yos da la gana, tán embargándonos les viviendes, pero regalen miles de millones d’euros a los bancos y los grandes empresarios”, señalen.

El PP de Lleón criticó'l "doble llinguaxe" utilizáu polos representantes del PSOE a Sama-Velilla y solicitó a Rodríguez Zapatero, qu'esprese con valentía la so postura al respeuto.

El PP pronuncióse d'esta manera tres les manifestaciones realizaes polos socialistes d'Asturies nes qu'aseguraron que Zapatero va velar pa que se execute'l proyeutu, que promueve Rede Eléctrica Española (REE).

5.000 persones y l’orbayu participaron na manifestación qu’ayeri, Día de les Lletres, percorrió la cai Uria, dende la Estación del Norte al Campoamor, pa esixir la oficialidá.

L’Academia púnxose a disposición de los partíos pa contribuyir a que na fechura de los sos programes electorales, s’afite un modelu d’oficialidá arreyáu a la situación d’Asturies.

A un añu de les eleiciones autonómiques, la presidente de l’Academia pidió a los políticos xenerosidá y altor de mires pa iguar el tratamientu que na vida social y política  tien que xugar la cultura asturiana, “un tema pendiente dende la transición”, dixo Ana Cano nel Teatru Campoamor, cola sida del so discursu añal nel actu institucional de l’ALLA nel Día de les Lletres

“La Carta Europea de les Llingües Minoritaries va ser clave pal futuru de la llingua énte la negación de los dirixentes asturianos a reconocer la oficialidá”, afirmó Bartolomé Pérez.

El xurista lleonés foi nomáu académicu correspondiente na Xunta Estraodinaria de l’ALLA, cola que la institución celebra’l Día de les Lletres Asturianes nel Teatru Campoamor d’Uviéu.

La presidenta de l’Academia, Ana Cano, entamó’l so discursu institucional falando del nuevu miembru, emponderando la so formación y la so fonda conocencia y competencia llingüística nel idioma del país.

Asturies.com ufre una galería de semeyes de la manifestación pola oficialidá qu’ayeri percorrió les cais d’Uviéu y de la Xunta Estraordinaria de l’Academia de la Llingua Asturiana.

Les semeyes tán disponibles nes redes sociales Ximiéga.me y Facebook.

L'Estáu va entregar al Centru de la Memoria Histórica de Salamanca, seis llibros d'actes de l'Agrupación Asturiana de Bonos Aires 'La Tierrina Leal', fechaos ente 1958 y 1980.

L'agrupación 'La Tierrina Leal', creada en 1958 y dependiente del Centru Asturianu de Bonos Aires, tuvo un "importante" papel na vida de la comunidá asturiana n'Arxentina, según indicó'l Ministeriu de Cultura al traviés d'un comunicáu unviáu a Europa Press.

L'Asociación Catalana de Prensa Comarcal (ACPC) va crear la Plataforma Fórum Barcelona pa editores europeos de prensa en llingües non estatales, minorizaes y minoritaries.

22.466 alumnos estudien asturianu, que s’imparte nel 91% de los centros de Primaria y nel 88% de Secundaria. Nos últimos 10 años, la matriculación medró en de 9.700 estudiantes.

El Conseyeru d'Educación y Ciencia, José Luis Iglesias Riopedre, asistió güei al Actu Escolar Institucional de la XXXI Selmana de les Lletres Asturianes que se desendolcó na Casa de la Cultura de Mieres, y nel que participaron los centros educativos ganadores de los concursos de poesía, cartelismu y dibuxu.