El nuevu discu 'Asturllétric' preséntase mañana n'Uviéu

|

El Posafuelles acueye mañana, a les 20.30 hores, la presentación del recopilatoriu 'Asturllétric', que recueye una esbilla de cantares versionaos con base electrónica.

El discu, editáu pola Xunta pola Defensa de la Llingua, presentaránlu Xune Elipe, xunto coles Músiques pola Oficialidá, autores del cantar d'esti añu, una versión electrónica del 'Ramu del Día Les Lletres', interpretada poles pandereteres: Paula Cristóbal, María Vázquez, Natalia Nuño, María Gavieiro, Delfina Flórez, amás de Jonathan Martínez (voz y tambor) y Sergio Rodríguez (guitarra eléctrica, baxu y programaciones). Lo tradicional combínase con sones eléctrónicos y 'funk' que recuerden al más puru estilu de James Brown. Tamién s'inclúi otros once cantares de diferentes grupos asturianos na so versión electrónica.
  
Depués de la presentación va haber un conciertu-dj de Da Robotz , que va facer una sesión de música electrónica tradicional. El chigre de la Xunta pola Defensa de la Llingua Asturiana ta asitiáu na cai Cuesta la Vega, númberu 10 d'Uviéu)

Contador Estadistiques