Mozilla espubliza la so primer páxina n’asturianu

La Fundación Mozilla ta acabantes d'asoleyar la so primer páxina en llingua asturiana, cola espublización del so ‘Manifiestu’, onde falen de los sos oxetivos y principios.

Mozilla y los alministradores del proyeutu, aceuten l’asturianu como una llingua más, no que se supón que ye'l pasu previu al restu de proyeutos que s'ensamen dientro de los productos Mozilla, como Firefox, Thunderbird, SeaMonkey, y una bayura d'aplicaciones.

Los Fundación Mozilla tien como compromisos cimeros el códigu abiertu y el respetu a los estándares abiertos, lo mesmu que'l respetu a les llingües. Nos próximos díes, la fundación siguirá dando más y más pasos pa ufrir el mayor conteníu y productos posibles en llingua asturiana.