Areces cola Academia (española)

Areces asistió en Madrid a la xunta del Patronatu 'Fundación Pro Real Academia Española', tres ser escoyíu representante d’esta asociación que sofita y subvenciona la RAE.

Ye la primer xunta a la qu'asiste'l Presidente d'Asturies, xuntu con Cantabria y Murcia, que relevaron a los anteriores representantes de les comunidaes autónomes nel Patronatu, que con calter rotatoriu camuden cada tres años. Esta xunta del Patronatu de la Fundación Pro Real Academia Española foi presidida ayeri por Xuan Carlos I nel Palaciu de La Zarzuela.

La Real Academia Española trabaya n'estrecha collaboración coles 21 academies d'América y Filipines. Ente los proyectos académicos más destacaos, atópense la presentación del Diccionariu d'Americanismos; el desenvolvimientu de la 23ª edición del Diccionariu de la Llingua Española, que va apaecer en 2013 coincidiendo col tricentenario de la Real Academia Española; la versión n'Internet del Diccionariu de la Llingua Española, que recibe a diariu una media de 750.000 visites y actualízase de cutio; el desenvolvimientu d'un Microdiccionariu o Diccionariu esencial de bolsu; la preparación del Corpus del Español del sieglu XXI, un proyeutu que consiste nun repertoriu de formes lléxiques producíes ente los años 2000 y 2011 que constituya una amuesa representativa del español de los primeros años del sieglu XXI; y la continuación de la segunda fase del proyeutu del Nuevu Diccionariu Hestóricu de la Llingua Española.