"La estabilidá del Gobiernu ye un valor, pero IU tien principios"

La ex conseyera Laura González, dixo que "la estabilidá del Gobiernu ye un valor, pero IU nun pue prescindir de los sos principios", ente los que ta "la defensa de los trabayadores".

Preguntada pol posible distanciamientu ente IU y PSOE por cuenta de les reformes propuestes pol Gobiernu del Estáu, González respondía asina momentos antes de participar na xunta del xuráu del Premio Príncipe d'Asturies de Cooperación Internacional, que se celebró güei nel Hotel de La Reconquista.

"Sedría una irresponsabilidá que nun hubiera diálogu", siguió la ex conseyera d'IU, que matizó que tendría que tratase "distribuyendo los sacrificios ente toos, que nun llibren los que contribuyeron precisamente a la crisis".
  
Nesti sen, esplicó que "el Gobiernu Central tien que faer una reforma fiscal", y "les comunidaes autónomes, coles competencies que tienen, puen faer que se distribuya'l sacrificiu", pa según dixo, tratar una salida de la crisis pela izquierda.