20.000 alumnos y alumnes participaron na Axenda Didáctica Escolar

La directora xeneral de Política Llingüística, Consuelo Vega Díaz, punxo'l puntu esti martes en Tinéu a les actividaes de l'Axenda Didáctica Escolar pa l'alumnáu d'asturianu y gallego-asturianu. Concretamente la última de les actuaciones corrió a cargu del grupu Xentiquina qu'actuó pa los CRA de Salas y Tinéu.

L'Axenda, na que participaron un total de 194 colexos y 20.000 alumnos y alumnes de Primaria, Secundaria y Bachiller, llevó alantre 124 actividaes repartíes en talleres lliterarios, conciertos didácticos y obres de teatru.
Como n'años anteriores dende la Conseyería d'Educación sorrayen que l'oxetivu d'estes actividaes, que tuvieron bien valoraes per parte del profesoráu, ye valir de sofitu al llabor docente de l'asignatura d'asturianu y gallego-asturianu, polo qu'anuncien la preparación d'una nueva edición pal añu entrante, na qu'inviten a participar a toles persones, grupos y compañíes de l'actualidá lliteraria, musical o teatral que quieran facelo.