Día del Llibru Asturianu

El CUPA pide denominación billingüe pa les nueves facultaes

|

El Conceyu Universitariu pol Asturianu (CUPA) pide que s’aproveche’l cambiu orgánicu de les facultaes de Ciencies de la Salú y Humanidaes pa rotulales de forma billingüe.

La organización ta acabantes d’unviar a la Universidá d’Uviéu, y siguiendo’l trámite de consultes abiertu por esta, una propuesta pa que les nueves facultaes, de recién creación pola fusión d’otres, (Facultá de Ciencies de la Salú y Facultá d’Humanidaes) usen na so cartelería nueva, la denomación billingüe.

Dende’l Conceyu Universitariu pol Asturianu camienten importante facer visible l’usu del asturianu dientro de la Universidá d’Uviéu, “con una midida que nun supón absolutamente nengún gastu estra y que, amás, respuende a la llexislación vixente, qu’obliga a la promoción del asturianu dientro de la Universidá”. La midida, respuende amás, recuerden dende’l CUPA, a lo prometío pol Rector Vicente Gotor.

El CUPA yá unvió va díes una propuesta pa que la nueva imaxe corporativa pola mor del nuevu proyectu de Campus d’Escelencia seya billingüe en castellán y n’asturianu.

 

Contador Estadistiques