L'Exércitu israelín rebaxa la pena a un militar que mató a un pacifista

Un comité militar de revisión de penes del Exércitu israelín decidió rebaxar la condena impuesta a Taysir al Heib, militar sentenciáu a ocho año de prisión d'un pacifista británicu.

Asina, Al Heib va quedar en llibertá mientres el mes d'agostu, según informa'l diariu israelín 'Haaretz', que caltién qu'esta midida adóptase en contra de la opinión del fiscal xeneral militar, el xeneral de brigada Avichai Mendelblit.
 
L'incidente asocedió n'abril del 2005 na Faza de Gaza, cuando Hurndall, estudiante de 22 años d'edá, recibió un disparu na cabeza mientres tomaba fotografíes de la organización pacifista a la que pertenecía, Movimientu Internacional de Solidaridá. Testigos presenciales esplicaron que l'activista británicu taba ayudando a dellos neños palestinos a apartase de la trayeutoria d'un carru de combate.
  
Nel xuiciu resultó condenáu por obstrucción a la xusticia y dar falsu testimoniu, amás de por homicidiu ensin premeditación, dao que nun primer momentu Al Heib caltuvo que l'individuu contra'l que disparó yera un palestín armáu, versión que confirmó otru compañeru de la so unidá. Meses dempués la so coartada derrumbóse cuando l'otru soldáu confesó a la Policía Militar que nun fuere testigu del incidente.
  
El tribunal fixo suyos tolos argumentos de l'acusación y sorrayó la serie de versiones falses y contradictories que relató Al Heib a lo llargo de la investigación.
  
Na sentencia recueyen qu'Al Heib disparó a Hurndall con un fusil de francotirador y emplegando una mirilla telescópica. La "confusa y patética" versión del soldáu, según la sentencia, tuvo ún de los sos peores momentos cuando Al Heib confesó que quería dar una llección a Hurndall por entrar nuna zona vedada. Apuntó diez centímetros a la esquierda de la cabeza del pacifista, pero involuntariamente matólu.