Culturlingua va falar de les muyeres na lliteratura eonaviega

Les xornaes Culturlingua, sobre la cultura y lliteratura eonaviega, algamen la so segunda xornada falando del papel de la muyer na escritura en gallego-asturianu.

 A les ocho de la tarde, Aurora García Rivas va presentar el so últimu trabayu, la novela ‘As razóis d’Anxélica’. Tres la so presentación va abrise un alderique nel que García Rivas tará acompañada de les tamién escritores María José Fraga y Aurora Bermúdez.

Asina, falarán sobre’l papel de la muyer na lliteratura eonaviega y los sos retos. Una actuación del grupu Martínez y Expósito, prevista pa les diez de la nueche, zarrará’l día y pesllará la segunda edición de Culturlingua.