El presidente del Gobiernu español, José Luis Rodríguez Zapatero, aseguró que la "fueya de ruta" que los estaos de la OTAN van afitar en payares sobre la retirada de les tropes n'Afganistán va tener "un marxe por precaución".

El proyectu de Llei de los Presupuestos Xenerales del Estáu (PXE) pal 2011 contempla una inversión total p'Asturies de 556 millones d'euros, lo que supón un descensu del 39,8 por cientu sobre'l presente exerciciu.

A los que nun tengan planes pa esti fin de selmana espéra-yos una montonera d’actividaes venceyaes a la cultura y historia del país. Na nuestra estaya de convocatories puen informase.

El presidente d'Ecuador, Rafael Correa, acusó a la oposición de tar detrás del intentu del golpe d’Estáu que lu tuvo reteníu per delles hores nun hospital de la Policía Nacional en Quito.

L'alcalde d'Uviéu, Gabino de Lorenzo, cesó esti xueves al conceyal de Cultura y Deportes, José Suárez Arias-Cachero, como miembru de la xunta de Gobiernu, basándose nun informe que recoyía "irregularidaes en materia de contratación”.

L'Axencia Asturiana de Cooperación al Desarrollu refugó esti vienres "l'intentu de golpe d'Estáu n'Ecuador". "Nun ye tolerable que'l sistema democráticu pueda quebrar pola fuerza”, sostienen dende la institución pública.

El Conceyu Abiertu alrodiu de la posible llegada de Francisco Álvarez-Cascos zarróse ensin nengún consensu claru ente tolos llectores d’Asturies.com. Sicasí, la opinión más votada ye que va ser “Más de lo mesmu”.

Per detrás d’esta respuesta, que llevó un 32% de los votos, va la opinión de que con Cacos Asturies tendría más pesu en Madrid (28%), mientres qu’un 26% de los llectores defenden que col ex ministru de Fomentu habría “un retroceso en polítiques sociales y culturales”.

Uviéu quedó escluyida de les cuatro ciudaes candidates a ostentar la Capitalidá Cultural Europea nel 2016. Asina lo anunciaron la ministra de Cultura, Ángeles González Sinde, y el presidente del comité de selección.

Marruecos y el Frente Polisariu van entamar una nueva ronda de conversaciones directes el próximu 4 d'ochobre sobre'l contenciosu del Sáhara Occidental, reveló esti el ministru d'Asuntos Esteriores y de Cooperación, Miguel Angel Moratinos.

Unes 10.000 persones movilizáronse esti miércoles en Xixón nuna manifestación en contra de la Reforma Llaboral, qu'escurrió tranquila dende la plaza del Humedal hasta El Náutico baxo un ampliu dispositivu policial.