La Coordinadora Ecoloxista llama a plantear alternatives al coche

El 22 de setiembre ye’l Día Européu de “¡La Ciudá, ensin el mio coche!”, polo que la Coordinadora Ecoloxista d’Asturies llama a Gobiernu del Principáu y Conceyos a plantear “alternatives de movilidá urbana más respetuosa col entornu”.

Sistemas de repartu con vehículos ecolóxicos, nueves llínees de tresporte públicu, coches compartidos, carriles pa bicicletes, zones de peatones, llimitación del tráficu... son midíes planteaes polos ecoloxistes p’apostar “pola calidá de vida”.

Dende la Coordinadora Ecoloxista d’Asturies señalen que “otra vuelta Asturies quédase per detrás d’Europa”, criticando unes polítiques “que namás que favorecen l’usu ensin xacíu del automóvil na ciudá”. Tamién recordaron que la nuesa Comunidá Autónoma “ta a la tiesta del ránking de polución d’España en partícules PM10”.

“Los Conceyos y el Principáu renunciaron a llimitar el tráficu de vehículos privaos a motor y a organizar la movilidá urbana basándose nel tresporte públicu y nos medios alternativos y non motorizaos”, denuncien los ecoloxistes no cincante a unes polítiques asturianes que dan consecuencies negatives “en pérdida de salú y calidá de vida”.