El secretariu xeneral d'UXT Asturies, Justo Rodríguez Braga, manifestó esti martes que Vicente Álvarez Areces "tien cualificación pa tar nel Ministeriu de Trabayu o n'otru".

La Comisión Europea propunxo recortar un 0,4% el sueldu de los eurofuncionarios nel 2011, una reducción 12 veces inferior a la que'l Gobiernu español aplicó a los funcionarios (5%). Los sueldos d'eurofuncionarios lleguen a los 16.000 euros.

La Coordinadora Ecoloxista d'Asturies y Salternavia alvirtieron esti martes de les irregularidaes ambientales de la cantera de Braña del Río, nel conceyu de Navia y presentaron una denuncia énte instituciones públiques.

Ignaciu Llope, voceru de Cultura d'UNA, acusó al PSOE y PP de primar los sos intereses frente a los d'Asturies, lo que llevó a la exclusión de la candidatura d’Uviéu nel procesu pa la elección de la capital europea de la Cultura nel 2016.

El Bloque por Asturies criticó l’aumentu del paru n’Asturies en 3046 persones el mes de setiembre. Calificaron de “desgracia económica” les polítiques actuales y llamen a la reactivación económica con vistes a los presupuestos asturianos.

El conceyal del PP nel Conceyu d'Uviéu, José Suárez Arias-Cachero, presentó esti llunes una querella criminal contra'l primer teniente-alcalde, Agustín Iglesias Caunedo, poles "difamaciones" espresaes ayeri nuna entrevista.

L’Arribada, na so estaya “Per Asturies”, aporta’l 5 y 7 d’ochobre a Corvera. Formen la programación una mesa redonda sobre deporte y llingua, l’homenaxe a la mayestra Choni Álvarez y la proyección de “La nueche de los muertos vivientes”.

Los escritores Vicente García Oliva y Humberto Gonzali y los futbolistes José Antonio Pérez Bordón, José Manuel Espinosa y Eloy José Olaya Prendes, van ser los encargaos d’aldericar sobre’l deporte y la llingua asturiana. La mesa redonda, siguida pol homenaxe a la mayestra Choni Álvarez, ye’l martes 5 nel Llar de les Vegues a les 18.30.

Los nacionalistes conservadores del partíu Nueva Alianza Flamenca (N-VA) abandonaron el diálogu abiertu con otros seis partíos políticos belgues pa buscar un consensu ente flamencos y valones sobre la reforma del Estáu.

El númberu de paraos rexistraos nes oficines del Institutu Nacional d'Empléu (Inem) n'Asturies en setiembre subió a 76.002, lo que supón un aumentu de 3.046 persones al respecto d'agostu del 2010.

La Conseyería de Bienestar Social y Vivienda del Principáu pon a disposición pública el primer mapa de foses comunes d’Asturies al traviés de la páxina web del Gobiernu autonómicu.