La Coordinadora Ecoloxista d’Asturies denunció énte la Fiscalia de Mediu Ambiente los derrames que produz la factoría Agar de Asturias S.L en Llanes. Los ecoloxistes sorrayen qu’estos derrames acaben na ría de Niembru.

Agua con temperatura abondo alta y con un fuerte olor son dalgunes de les razones nes que se basen los ecoloxistes p’alvertir de que “la depuradora que tien la factoría nun furrula bien”, daqué que, según alerten, pue convertise nun “delitu ambiental con consecuencies pa la salú y la flora y la fauna de la fastera”.

La formación política Bloque por Asturies alertó y punxo en conocimientu de la Delegación del Gobiernu n'Asturies la posible celebración esti martes 12 d'ochobre d'un "actu nazi" n’Uviéu.

El BA insiste nes "graves consecuencies" na historia de la humanidá de la permisividá colos grupos nazis y facistes, y por eso llamen a l’alerta del posible actu neonazi que se celebraría a les 12.30 hores nel aparcamientu d'El Vascu, na cai La Gascona d'Uviéu.

Los escritores n’asturianu Ismael González Arias, Carlos Suari y Berta Piñán recibieron los IX Premios de la Crítica d’Asturies 2009 na modalidá en llingua asturiana qu’entregó l’Asociación d’Escritores d’Asturies.

Como cada añu, La Pola L.lena vive n’ochobre Les Feries. Nestes fiestes, l’asociación xuvenil Xunta Cultural Rebelgu, en collaboración col Conceyu, organiza un ciclu de conciertos qu’axunta música del país, grupos l.lenizos, rock y electrónica.

Blima, Skama la Rede, Los Oricios y Hachazo dan arranque’l vienres 8 a los conciertos na IV Nuechi de la Música Asturiana. El recintu, asitiáu nel patiu del Colexu Jesús Neira, va enllenase de folk, ska, rock y punk dende les 22.30.

Al 66% de los llectores d’Asturies.com que participaron na encuesta da-yos igual la destitución d’Arias-Cachero como conceyal de Cultura d’Uviéu. Defenden que nesti tiempu nun fizo nada pola cultura asturiana nel so cargu.

D’otra miente, un 23% opinen que ye un exemplu nidiu de la falta de democracia nel Partíu Popular, mentantu qu’un 9% defende que’l cese de “Felechosa” ye un retroceso pal asturianismu.

A la fin, namás qu’un 2% de llectores aprobó’l cese baxo los argumentos que Gabino de Lorenzo, alcalde d’Uviéu, planteó.

Bloque por Asturies denunció públicamente que l'amortización de los 17 puestos de trabayu de personal fixu y eventual de les piscines de Pénjamo y Riañu (Llangréu) ye una midida acordada pol Conseyu de Gobiernu.

Coincidiendo col aniversariu de la Revolución d’Ochobre de 1934, Andecha Astur va facer otru añu más un actu n’alcordanza de Belarmino Tomás Álvarez, militante socialista que presidió’l Conseyu d’Asturies y Lleón.

La Coordinadora Ecoloxista d’Asturies plantea qu’un accidente como’l de la balsa de residuos n’Hungría podría pasar n’Asturies. Añaden amás qu’equí los efectos seríen peores pol “tamañu y peligrosidá” de les balses asturianes.

Per toa Asturies hai balses de residuos tóxicos, pero los ecoloxistes consideren que les dos más peligroses son les que s’alcuentren “na antigua esplotación de Río Narcea Gold Mines”, nel conceyu de Belmonte.

El Muséu Etnográficu del Oriente d'Asturies de Porrúa acueye la esposición itinerante 'Mitoloxía Asturiana'. Va esponese dende esti vienres 8 de payares hasta'l 27.