UNA amosó’l so esmolecimientu pola aplicación de la Llei de Dependencia n’Asturies. Los nacionalistes critiquen que 4.569 asturianos tienen reconocida dalguna prestación “ensin que l’Alministración determine les condiciones de l’ayuda”.

El profesor de la Universidá de Salzburgo, Hans Goebl, defendió güei'l so métodu de la dialectometría como la solución "a los problemes" que xenera la clasificación de les agrupaciones dialectales interiores nos dominios llingüísticos.

Con una densa conferencia sobre les bases de la técnica dialectométrica, Goebl inauguró les xornaes 'Ciencia, llingua y fronteres' qu'organiza’l Seminariu de Filoloxía Asturiana na Facultá de Filoloxía de la Universidá d'Uviéu.

Yolanda González, vocera d’UNA en Xixón y miembru de la executiva, tuvo convidada y representó a la so formación na presentación de “Espacio Plural”, plataforma qu’axunta fuerces nacionalistes, ecoloxistes y d’izquierda del Estáu.

El conseyeru d'Economía y Facienda, Jaime Rabanal, manifestó que’l Gobiernu prevé que'l presupuestu del 2011 baxe un 7% o 8% al respecto de les cuentes del 2010, una vez axustaes.

El voceru del Grupu Socialista nel Congresu, José Antonio Alonso, proclamó que'l presidente del Gobiernu, José Luis Rodríguez Zapatero, va siguir siendo'l líder del PSOE y va presentase a les elecciones españoles del 2012.

El Bloque por Asturies de Xixón criticó la “falta d’interés y voluntá” del Teatru Xovellanos pa cola toponimia oficial xixonesa. Los asturianistes critiquen que la empresa pública incumple l’alcuerdu toponímicu de 2006.

N’ochobre de 2006 la Xunta de Toponimia del Principáu d’Asturies y l’Ayuntamientu de Xixón afitaron los nomes oficiales de los barrios y parroquies xixoneses. Sicasí, según denuncia’l BA, “dalgunes empreses municipales, como nesti casu'l el Teatru Xovellanos vien ninguneando esti alcuerdu, colo que tán incumpliendo la Llei”.

"Celtismu y interceltismu güei” ye’l títulu d’un coloquiu que se va celebrar na Université de Bretagne Sud, en Lorient. Personalidaes internacionales van participar nesti alcuentru multidisciplinar nel que tamién intervién xente asturiano.

“Constucción de la idea céltica”, “Sentimientos de pertenencia” y “Diáspora celta internacional” son los trés bloques temáticos que se van tratar nesti “Colloque international” sobre’l celtismu los díes 11 y 12 d’ochobre na universidá de Lorient.

L’IRA Auténticu, una escisión del Exércitu Republicanu Irlandés (IRA), reclamó l'autoría del atentáu con coche bomba asocedíu la pasada madrugada na ciudá norirlandesa de Derry.

Espertos en llingüística y otres especialidaes debaten el 5 y 6 d'ochobre, sobre l'establecimientu de fronteres na diversidá llingüística dientro del congresu “Ciencia, llingua y fronteres”.