Unes selmanes atrás FAMYR presentó la propuesta de conceder a Cristino García Granda’l títulu de “Fíu Predilectu d’Asturies” y a José Antonio Alonso Alcalde, conocíu como Comandante Robert, la Medalla d’Oru d’Asturies.

Yá arrancó’l XXXIV Salón Internacional del Cómic del Principáu d’Asturies. Inauguráu el martes 12 d’ochobre nel Antiguu Institutu de Xixón, el certame va xirar sobre esti arte gráficu hasta’l prósimu 16 d’ochobre.

El XXXIV Salón Internacional del Cómic del Principáu d’Asturies ye’l salón anual del cómic más antiguu d’Europa. Nesta edición van participar autores como Adolfo García, Gil Parrondo o Neto. Amás de coloquios, presentación d’obres y firmes d’autógrafos, va haber esposiciones y entrega de premios, ente otros.
 

El Gobiernu decidió convocar a tolos grupos parlamentarios pa consensuar un protocolu de celebración del 12 d'ochobre que permita'l "respetu" a la bandera d'España, a los cayíos y a les Fuerces Armaes, según dixo la ministra de Defensa.

El conseyeru de Mediu Rural y Pesca del Gobiernu asturianu, Aurelio Martín, presentó esti llunes la propuesta d'un nuevu impuestu autonómicu que gravaría la ocupación de montes p'actividaes non sostenibles.

El Bloque por Asturies refugó dos decisiones qu’afecten a la situación de la industria y l’empléu n’Asturies. Les crítiques van pal cierre y lliquidación del astilleru Juliana y el recorte nos PXE a la reactivación de les cuenques mineres.

El pasáu 8 d’ochobre celebróse una Xunta d’Acreedores na que Pequeños y Medianos Astilleros Sociedá de Reconversión SA (Pymar) desmarcóse d’un alcuerdu pasáu, que tenía l’oxetivu d’evitar la desaparición del astilleru, provocando’l procesu de lliquidación del Juliana, l’últimu astilleru que quedaba en Xixón.

Ex representantes del Comité d'Empresa de Factoríes Juliana espresaron esti llunes la so preocupación ante la posible desapaición del astilleru, una vez que nun salió alantre la propuesta de conveniu.

El Gobiernu israelí aprobó un polémicu proyectu d’enmienda presentáu pola ultraderecha qu’obliga a les persones non xudíes qu’aspiren a la nacionalidá israelí a xurar llealtá al “Estáu xudíu y democráticu d’Israel”.

Ventidós ministros aprobaron esta enmienda que tuvo los votos en contra de los cinco ministros del Partíu Llaborista y los tres ministros del Likud, formación derechista a la que pertenez el Primer Ministru Netanyahu.

El PAS critica a IX y Jesús Iglesias pola so postura colos presupuestos asturianos. Señala que’l endaudamientu del país ye de 1.500 millones d’euros y qu’Iglesias “engaña” con que va haber más inversión y obres en 2011.

“Una ficción mil vegaes representada”, asina califica’l PAS a la postura d’Izquierda Xunida nos presupuestos qu’alcuerda col PSOE. Los asturianistes señalen que’l Principáu debe-y millones al Gobiernu central y que, nos sos cálculos, non inclúin estes cifres.

El Ministeriu de la Presidencia informó qu'ente los meses de mayu y setiembre realizó "prospecciones" nes criptes y osarios del Valle de los Caídos y puntualizó qu'en nengún momentu se fizo "nenguna exhumación nin treslláu".