El Polisariu denuncia que Rabat ta cometiendo una "llimpieza étnica"

El representante n'España del Frente Polisariu, Bucharaya Beyun, denunció que Marruecos ta cometiendo una "llimpieza étnica" en L'Ayún y señaló que la comunidá internacional tien qu’intervenir p’algamar una solución pacífica.

"La ciudá ta tomada pol Exércitu y la Policía", declaró. "Tán diendo casa por casa, hai cientos de deteníos, sobremanera ente los más mozso", denunció. "Decenes de soldaos entren en motos nes cais nes que nun entren los coches pa persiguir a la xente", aseguró.
  
Según el representante del Polisariu, "informóse de 19 muertos, pero nun podemos dicir cuántos hai, porque nun tenemos accesu a los hospitales nin a les foses comunes". "Hai una llimpieza étnica ante la que naide quier intervenir", denunció.
  
Posibilidá de guerra
A xuiciu de Beyun, l'actuación de Marruecos supón una rotura del "altu'l fueu" de 1991. Por ello, alvirtió de que si la comunidá internacional nun intervién pa favorecer una solución pacífica, "el pueblu sah.arianu y el Polisariu plantearán recurrir a tolos medios llegales pa defender los sos derechos, incluyida la guerra". "Nunca tuvimos tan cerca de la guerra dende l'altu'l fueu", aseveró.