La presidenta del PP de Cataluña, Alicia Sánchez-Camacho, plantegó que los inmigrantes firmen un contratu nel qu’acepten "retornar al so país si per espaciu d'un períodu de tiempu nun tienen empléu nin medios pa sostenese".

Anque nun especifiquen el periodu en que l'inmigrante podría tar sin empléu antes de tornar al so país, con esta midida los populares pretenden poner sobre la mesa'l debate sobre la inmigración y conocer la postura del restu de partíos.

El documentalista asturianu Alberto Arce vuelve a presentar un documental sobre la situación de países en conflicto. Nesta ocasión, Arce treslladóse a Afganistán pa filmar una obra sobre la realidá afgana tres décades de guerra.

Una manifestación estudiantil en Londres contra los planes d'austeridá del Gobiernu de David Cameron derivó na ocupación del edificiu sede del Partíu Conservador. La movilización algamó axuntar a 50.000 persones.

La editorial asturiana Suburbia Ediciones vien d’anunciar la edición de dos nueves obres. Son “Intentu d’escritura”, segunda novela en solitariu de Xurde Fernández y el cómic de Ruma Barbero “Manzajú”.

“Intentu d’escritura” ye una novela adulta d’estructura complexa que pue ser incluyía dientro del xéneru negro. Nella, Xurde Fernández fai una reflexón sobre’l oficiu d’escritor, les obsesiones, o l’amor, al traviés d’una rede de personaxes con vides rotes.

L’Asociación de la Prensa d’Uviéu rechazó’l despidu de 29 trabayadores del diariu El Comercio. L’órganu colexiáu de los periodistes n’Asturies cuestiona la “veracidá” del treslláu d’impresión a Benavente y fala d’especulación urbanística.

El pasáu mes d’ochobre’l Grupu Vocento, propietariu d’El Comercio, anunció la intención de desendolcar un ERE qu’afectaría “de mou inminente” a 29 trabayadores. L’oxetivu de la empresa ye treslladar la rotativa de Xixón a Benavente (Zamora).

L'ex secretariu d'Estáu pa la Seguridá, Rafael Vera, aseguró que desearía "fondamente poder esclarar munches coses" sobre'l GAL. Nesi sen, dixo que l'ex presidente del Gobiernu Felipe González "taba neses cuestiones". 

"Pienso que'l presidente taba nestes cuestiones rellacionaes cola gobernabilidá del país", esplicó Vera en declaraciones a la Cadena Cope, recoyíes por Europa Press, al pregunta-y si l'ex xefe del Executivu autorizaba acciones que podríen considerase como terrorismu d'Estáu. 

L'asociación Xueces pa la Democracia en Cataluña espresó'l so "fondu malestar" pol autu dictáu pol TSXC suspendiendo dellos artículos de los reglamentos d'usos llingüísticos del Conceyu de Barcelona y de la Diputación de Lleida.

L'últimu presidente d'Estaos Uníos, George W. Bush, opinó que la decisión d'atacar nel 2003 al réxime de Sadam Husein "nun foi un error" y que l'usu de ciertes técniques illegales d'interrogatoriu "salvó vides".

Sicasí, dixo que quedó "sorprendíu y rabiáu" cuando les fuerces norteamericanes nun alcontraron les armes de destrucción masiva n'Irak y qu'hasta se sintió "mal del estómagu" cuando-y informaron de les tortures nel centru de detención iraquín d'Abu Ghraib.

"Centenares" de colonos marroquinos, "apoyaos por camiones del Exércitu marroquín d'ocupación", quemaron delles cases de sah.arianos nel barriu de Matalla, n'El Aaiún, según informaron fontes sah.arianes.

La Conseyería de Cultura y Turismu del Principáu organiza’l miércoles 10 el III Día de les Ciencies Asturianes, con un programa d'actos que venceya'l saber científico y el so desendolcu en llingua asturiana, según informó'l Principáu.