Migoya destaca'l compromisu del Gobiernu colos Conceyos

La conseyera d'Alministraciones Públiques y vocera del Executivu asturianu, Ana Rosa Migoya, destacó esti martes el compromisu que'l Gobiernu caltién colos conceyos asturianos.

Fíxolo mientres la presentación del presupuestu de la so conseyería pal próximu añu 2011. Migoya indicó que nel conxuntu de les cuentes asturianes pal 2011 van destinase 158 millones d'euros en tresferencies a los conceyos, lo que dexa claru "dichu compromisu".
  
Ana Rosa Migoya, que compareció en rueda prensa al pie de la conseyera de Presidencia, Xusticia y Igualdá, María José Ramos, esplicó que se van destinar los 161,3 millones de la so conseyería pal 2011.
  
Asina calcó en que, amás de les competencies de personal, la so conseyería tien como principales oxetivos l'apoyu a los conceyos y la culminación del procesu de modernización tecnolóxica de l'Alministración Pública y el territoriu asturianu.