Alborá Llibros de Xixón echa’l pieslle

Primero, Llibrería Trabe d’Uviéu; agora, Alborá Llibros de Xixón. Dos destacaes llibreríes pal llibru asturianu y n’asturianu echaron el pieslle en feches cercanes. La crisis del sector editorial ye una de les causes.

Estos díes Alborá Llibros de Xixón ta preparando pa pesllar el so llocal asitiáu na céntrica Plaza Romualdo Álvarez González. Más de trenta años llevaba esta llibrería n’activo, propiedá a lo primero de Xicu Yepes y, dende 2007, de Distribuciones Cimadevilla.

Los llibros asturianos y en llingua asturiana, a la par qu’otros artículos como discos, DVD, o souvernis rellacionaos col país, enllenaben les estanteríes d’esta llibrería xixonesa. Xunto cola Llibrería Trabe d’Uviéu, ye la segunda tienda referencial pa la cultura asturiana que se pieslla en malpenes quince díes.