El Bloque torna a denunciar el pautu “clandestín” de PSOE, IX y PP contra les sos propuestes

PSOE, IX y PP impidieron güei na Xunta de Voceros qu’un proyeutu de llei y ocho propuestes non de llei del Bloque por Asturies se debatan el xueves na Xunta Xeneral. BA tacha esti pautu “clandestín” de “antidemocráticu”.
 
“Una vegada más, el Bloque por Asturies denuncia como los intereses partidistes y el pauto clandestín de PSOE, PP e IX, ensin nenguna xustificación política nin alministrativa, impiden que les iniciativas presentaes pol Bloque por Asturies se debatan abiertamente nun plenu”, señalen dende’l partíu nun comunicáu. Pal Bloque, esta posturar de los tres grupos parlamentarios perxudica “non sólo” los drechos del partíu nacionalista, “sinón los drechos y intereses de los asturianos y asturianes”.
 
La selmana pasada, Rafael Palacios, candidatu de la coalición BA-Unidá Nacionalista Asturiana a les eleiciones, criticó la esistencia d’esi pautu y pidió “valentía” a les tres formaciones pa que reconocieran públicamente l’alcuerdu que mantienen supuestamente pa torgar toles iniciatives puestes en marcha por Roberto Colunga, diputáu del Bloque na Xunta Xeneral. Lo asocedío güei na Xunta de Voceros refuerza al partíu nacionalista na so teoría