Día del Llibru Asturianu

Xixón collabora con un proyeutu de recuperación d'escueles en Dajla

|

El Conceyu de Xixón va collaborar con 24.000 euros nun proyeutu de rehabilitación d’escueles na wilaya de Dajla. Amás, destina 20.280 euros a l’Asociación Asturiana d’Amigos del Pueblu Saharaui pa que pueda desarrollar el so llabor.
 
El primer conveniu robláu por ayuntamientu y el coleutivu solidariu trátase d’una ayuda de 24.000 euros pa la recuperación y rehabilitación d’escueles na wilaya de Dajla, de la que van beneficiase 4.900 neños y neñes. Parte d’esti proyeutu va basase na compra de material escolar y na sustitución del mobiliariu vieyu por otru nuevu.
 
Mentes, el segundu trátase d’una aportación de 20.280 euros a l’Asociación Asturiana d’Amigos del Pueblu Saharaui cola fin de financiar el trabayu de dos cooperantes del coleutivu en Dajla pa reforzar les actividaes y la relación política y social coles instituciones de cara a coordinar los proyeutos de cooperación nel Sahara Occidental.

Contador Estadistiques