La contratación de trabayadores que faen la función d’estibadores na carga de coches ensin matricular na llinia que xune Xixón y Naunnt-Saint-Nazère va movilizar a los estibadores de tol Estáu. Hai preavisu de fuelga pal 7 y 14 d’abril.
Diecinueve n’Ibias y ún en Tinéu. Les Patrulles Osu de la Fundación Osu Pardu retiraron un total de 20 llazos illegales pa la caza de xabalinos, corzos o venaos que tamién pueden atrapar otra fauna, como osos.
El Serviciu de Normalización de Llangréu tien en marcha una campaña pa promocionar l’usu de la llingua na hostelería del conceyu. Los términos de la sidra, los pexes y el mariscu, son dalgunos de los aspeutos nos que se centra.
El mapa oficial d’Asturies, del añu 1989, yá pasó a la historia. La Conseyería de Cultura y Turismu presentó esti martes un mapa nuevu cola toponimia revisada, esto ye, colos nomes tradicionales de 49 conceyos del país.
Esti martes, 22 de marzu, ye’l Día Mundial del Agua, una fecha que busca concienciar a la población sobre la importancia d’una bona xestión del agua. Nel país celébranse delles actividaes, n’especial ente escolinos, pa espardir esti mensaxe.
Un total de 13 toneles de los 17 presentaos algamaron el notable na primer mesa de preba de la sidra de mazana seleicionada. Esta sidra va salir al mercáu nes selmanes próximes marcaes cola contraetiqueta que certifica la so calidá.
El Grupu d’Ornitoloxía Mavea convidó a téunicos del parque ecolóxicu irundarra de Plaiaundi a contar la so esperiencia cola ensenada de Txingudi. Esti coleutivu ta trabayando na recuperación de la de Llodero, na ría d’Avilés.
La Conseyería de Mediu Rural y l'Indurot presentaron esti martes la Estratexa d’Aprovechamientu Sostenible de la Biomasa Forestal d’Asturies. Ésta pretende que pal 2012 el 6,5 por cientu de les necesidaes enerxétiques se cubran con biomasa.
Tres 12 años de trabayos d’ampliación y rehabilitación, el Muséu Arqueolóxicu d’Asturies reabrió esti llunes les sos puertes. Al actu inaugural nun acudió nengún representante del equipu de gobiernu del Conceyu d’Uviéu.
