El grupu ḷḷenizu Spanta la Xente presentó esti xueves el so segundu discu, que lleva por nome ‘Alienda’. Esti sábadu, a les 19.30 hores, la banda va ufrir un conciertu nel Teatru Vital Aza de La Pola Ḷḷena nel que va dar a conocer los cantares nuevos.
Francisco Álvarez-Cascos zarró esti xueves la ronda de contautos colos llíderes d’otres fuercies. Jesús Iglesias (IX-LV) foi’l caberu en reunise col candidatu de FAC, que nun atopa apoyos a la so propuesta d’un “gobiernu de concentración”.
‘Trabayando la oralidá nes clases de Llingua Asturiana’ ye’l títulu de la III Sestaferia del Profesoráu de Llingua Asturiana que va celebrase esti vienres. El llugar escoyíu ye’l IES Bernaldo de Quirós, de Mieres.
La Comisión Executiva Municipal del PSOE de Xixón fixo públicu un comunicáu sobre l'afiliación del nietu de Belarmino Tomás a FAC. Pa los ‘socialistes’ xixoneses, l’actu nel que tuvieron Fernández Tomás y Álvarez-Cascos foi “oportunista y groseru”.
Un descensu del 2,95 por cientu nel númberu desemplegaos n’Asturies nel mes de mayu dexa la cifra de paraos en 83.181. A nivel estatal, diose la mayor baxada del paru nesti mes dende l’añu 2006 y la cifra total de paraos queda en 4.189.659.
Esti xueves, Caxastur entama una maratón científica, xornada de divulgación científica dirixida al públicu xeneral. Ésta lleva’l nome de ‘Asesinatos Matemáticos’ y va principiar a les 17 hores nel Centru Cultural Caxastur San Francisco 4 (Uviéu).
Isabel Pérez-Espinosa aconceyóse esti miércoles con Francisco Álvarez-Cascos y insistió en negociar alcuerdos globales col FAC. El llíder de Foro Asturias nun quinxo facer valoraciones hasta acabar la ronda de reuniones.
Un xuez de Madrid citó a declarar a 16 controladores aéreos como imputaos na instrucción del procesu penal pola fuelga d’avientu. El parón provocó’l zarru del espaciu aereu estatal y perxudicó a miles de pasaxeros.
El grupu Xera, ún de les bandes más internacionales de la música asturiana, va actuar esti xueves en Plzeň (República Checa) y el vienres, en Regensburg (Alemaña). En xunetu tornen al país teutón a esparder el so mensaxe.
Los profesionales de los medios de comunicación yá disponen na web de la Universidá d’Uviéu d’una ‘Guía d’Espertos y Espertes’ que va permiti-yos tener accesu a opiniones riguroses sobre temes d’actualidá. 500 profesores participen nesti proyeutu.
