El Conceyu de Llaviana, en collaboración cola Oficina de Normalización Llingüística, punxo en marcha la campaña ‘Lleer faite llibre’. Ésta consiste na edición de seis cartelos con fragmentos d’obres lliteraries asturianes.
La Xunta Eleutoral d’Asturies fixo esti miércoles el recuentu de los votos de la emigración asturiana. La FSA-PSOE foi otra vegada la formación más votada, pero nun sacó la diferencia suficiente con FAC pa quita-y un diputáu per occidente.
Eduard Punset, mostró na nueche del martes la so solidaridá colos acampaos n’Uviéu. L’escritor y divulgador científicu, que ta na ciudá como xuráu de los Premios Príncipe de Asturias, acudió a la Escandalera y dixo a los indignaos “nun paréis”.
El 25 de mayu del 1808, la Xunta Xeneral proclamóse soberana rebelándose contra les tropes franceses de Napoleón qu’invadieren el país. Esti miércoles cúmplense 203 años d’esa fecha ensin nenguna conmemoración institucional.
Ramón d’Andrés, presidente de la Fundación Caveda y Nava, asegura tar esperanzáu sobre posibles avances col asturianu nesta llexistlatura. El profesor universitariu considera necesario nun quedar namái na Llei d’Usu y reclama dir más allá.
Tres casi seis años d’actividá, el chigre de la Xunta pola Defensa de la Llingua Asturiana, La Casa Posafuelles, va zarrar les sos puertes esti vienres. Circunstancies normatives sobre'l llocal y económiques obliguen a tomar esta decisión.
FAC nun va negociar col PP estatal como queríen los populares. Pelayo Roces, diputáu nuevu por Foro, aseguró que nun son “una sucursual de naide” y que “los asuntos d’Asturies van resolvese “n’Asturies y non n’otru sitiu”.
Roberto Sánchez Ramos ‘Rivi’, conceyal d’ "Oviedo por la Izquierda" na llexislatura próxima, aseguró que “el mio teléfonu ta siempre abiertu pa poner un alcalde y quitar un cacique”. La so formación algamó tres conceyales nes eleiciones uviedines.
Los resultaos d’Asturianistes por Nava-Compromisu por Asturies nes eleiciones del domingo foron perbonos. La formación ye la segunda fuercia más votada nel conceyu navetu, con tres conceyales, y va sentase a negociar con tolos partíos.
