Un grupu de xente amuesa la so indignación frente a la Xunta Xeneral

Un grupu d’indignaos asturianos manifestáronse esti miércoles frente a la Xunta Xeneral na xornada na que se constituyó la Mesa de la Cámara. La Policía fixo un despliegue ampliu na zona y nun dexo a los concentraos averase al edificiu.
 
Los manifestantes portaben banderinos de papel en forma de güeyu, amás d'una pancarta na que se lleía ‘Indignaos’ y otra col lema ‘Madreñazu al sistema’. Mientres la concentración, los presentes glayaron consignes como ‘Manos arriba, esto ye una crisis’ o ‘Si entres per detrás, algo esconderás’. Tamién sintiéronse berros de “caciques”, “lladrones” o “chorizos”, y los presentes guardaron un minutu de silenciu simbólicu.
 
La Policía desplegó un ferrial cordón policial na zona qu’impidió a los manifestantes situase na acera de la Xunta Xeneral y tuvieron que conformase con protestar dende la d’enfrente.