El secretariu xeneral de la UXT n’Asturies, Justo Rodríguez Braga, nun ta satisfechu col apoyu del PSOE a la derecha pa que presidiera la Xunta Xeneral. Pal sindicalista ye daqué “histórico” que “nun comparto”.
 
“Ye la primera vegada qu’una fuercia de la izquierda da’l so apoyu a una de la derecha como mal menor. Ellos sabrán que ye lo que plantegaron; yo, dende la UXT, nun tengo más que ser respetuosu con eso, pero nun lo comparto”, dixo Rodríguez Braga nainauguración de la IX Xornada de Prevención de Riesgos Llaborales ‘Violencia nel trabayu’. Según esplicó, el so sindicatu quier que n’Asturies haya un “Gobierno fuerte”, ya que’l diferencial qu’esiste en cuanto a les cifras de desemplegu del resto del Estáu y el tirón de la industria “necesita d’un Gobiernu fuerte que s’apoye nel diálogu social con empresarios y sindicatos”.
 
“Lo que ta pasando nestos momentos nun paez que permita que vaya a constituyise un Gobierno fuerte, nin que les fuercies polítiques mayoritaries tean poniendose d’alcuerdu; por tanto, veremos a ver lo que pasa y los escenarios que se presenten na eleición del presidente”, señaló Rodríguez Braga, qu’añadió que la Unión Xeneral de Trabayadores (UXT) ufierta a los partíos diálogu, negociación y siguir apostando pol alcuerdu social.