Bloque-UNA reclama al Conceyu d’Uviéu que “impida homenaxes y concentraciones fascistes”
|
21 Xunetu, 2011 por Pablo R. Guardado
- Inicie sesión o rexístrese pa espublizar comentarios
La conmemoración del aniciu de la Guerra Civil que’l llunes pasáu fixo la Hermandad de Defensores de Oviedo na plaza d’España provocó’l refugu de Bloque-UNA. La coalición reclama al Conceyu qu’impida homenaxes fascistes.
Según aseguren dende’l Bloque por Asturies-Unidá Nacionalista Asturiana (UNA), estos actos, “tanto de calter públicu como priváu”, propicien l'espoxigue de la xenofobia y pintaes racistes como les qu'apaecieron en La Tenderina hai meses, y ye un atentáu grave contra la convivencia baxo los valores democráticos y los derechos humanos básicos”. D’igual forma, reclama al Conceyu d’Uviéu que cumpla la Llei de Memoria Histórica del 2007 y que retire toles referencies que queden de Francisco Franco na ciudá “como'l monumentu de la plaza d'España o delles plaques con grabaos pro-franquistes”, amás de “nomes de cais y places n’honor a persones de la dictadura franquista”. Ente éstes recuerden la esistencia tovía de la Plaza de la Gesta o la Plaza de la Liberación, o “casos más graves dando nome a centros públicos d'Educación como son les escueles públiques de la Gesta I y la Gesta II”.
Esta reclamación de la coalición nacionalista vien tres l’actu de conmemoración del aniciu de la Guerra Civil que tolos 18 de xunetu celebra la Hermandad de Defensores de Oviedo frente al ‘monumentu de la paz’ de la plaza d’España, conocíu tamién pol de la ‘pesetona’ en referencia a una imaxe de Franco que tovía se mantién nél. Esti añu esta actividá tuvo más repercusión al cumplise 75 años del ‘alzamiento nacional’.
Efrén d'Andrés
Lo + visto de la selmana
Comentarios
Nun entiendo lo que pretende denunciar BA-UNA. La Hermandad de Defensores d'Uvieu entiendo que conmemoren unos fechos militares concretos, ni políticos, ni ideolóxicos ni na. Nun veo nenguna apoloxía de na, ni del Franquismu (el 18 de Xunetu del 36 Franco yera un militar más), nin de xenofobia que nun se que tendrá que ver con 18 de Xulio ni de na. Ye un fechu históricu, la historía nun se pue borrar y menos aún silenciala. Nesi conflictu hubo dos partes enfrentaes, les dos asturianes, les dos españoles y hoy por suerte ambes tienen los mesmos derechos y llibertaes, o eso se supón.l
BA-UNA fae de un minoritariu homenax una montaña que muestra la so intolerancia y el so ansia por coartar les llibertaes de la xente pola so ideoloxía o la so visión histórica. Ye intolerable.
Berto prestaria-ti que tamien fixeran un Homenaxe al ETA? A min no i asina tampocu al facismu,que tantu dañu fixo n'ASTURIES-Si quitamos a los facistes i collaboradores d'ellos.....
Dexa que dorma el pasau como en otros llares facen. N'Alemania non ta permitiu facer homenaxes a Hitler.
Meyor sera facer un Homenaxe a les victimes del facismu,Poro xente con les toes ideyes no yos importen!!!
Hola Pachu,
Puedo imaxinalo, pero nun tien na que ver. Un homenax a ETA equivaldría a un homenax a Franco y nun ye'l casu. Tamos falando de que tan faciendo un homenax a un fechu militar históricu concretu. Ye como si se ficiere nel futuru un homenax al gran triunfu de Bildu nes últimes elecciones. ¿Sería normal que saliere algún partiu o asociación, como faen agora, clamando pela so ilegalización y criminalización? Pues al mio parecer non. Ye un absurdu, porque por muncho que se empeñen Bildu nun ye ETA, aunque munchos digan que sí y quieran imponelo coles leyes.
El fascismu nesti pais, como na mayoría de paises democráticos ye llegal, minoritariu, pero a toes lluces llegal. Tenemos un estau democráticu y constitucional pol cual ámparase la llibertad de pensamientu, de ideoloxía, de opinión... pese a quien pese un fascista tien el mesmo drechu que cualquiera a tener les sos idees, compartiles y manifestales en tantu respete la legalidad constitucional.
En Alemaña por nun poder facer esos homenax a Hitler quizá seya polo que cada vez hay más NS y los partios nacionaliegos suben en votos y afiliaos, añu tras añu. Fué una decisión política desmedida de postguerra, totalmente desfasada y en munchos casos contradictoria que ta consiguiendo lo contrario de lo que se pretendía.