El Garrapiellu convoca’l XX Concursu de Cuentos Curtios

|

La Tertulia Cultural El Garrapiellu ta acabante de convocar la vixésima edición del so Concursu de Cuentos Curtios. El plazu d’entrega de los trabayos va zarrase’l 13 d’ochobre y el 25 d’esi mes va fallase’l ganador.
 
Los cuentos, que nun han de tener un llargor superior a les 12 fueyes mecanografiaes a doble espaciu y escrites per una cara, han de tar redactaos n’asturianu dafechu y respetar les normes ortográfiques de l’Academia de la Llingua Asturiana (ALLA). El concursu, de temática llibre, ta empobináu a persones mayores de 16 años y tien un premiu de 900 euros pal ganador, y de 300 pa l’accésit.
 
El Garrapiellu va nomar en feches próximes un xuráu, que va ser el responsable de decidir qué trabayos merecen estos dos premios o, nel casu de que lo consideren necesario, declarar desiertu’l concursu. Los cuentos que resulten premiaos van pasar a ser propiedá de la Tertulia Cultural, que va espublizalos nel so IV Volume de Cuentos Curtios. Les persones interesaes en presenten les sos creaciones han de facelo nel apartáu de correos 8133 de Xixón, nel códigu postal 33280, col orixinal del cuentu y trés copies baxo plica, amás d’otra plica colos datos del autor. Mentes, nel esterior de sobre tamién ha de dir indicada la referencia ‘XX Concursu de Cuentos Curtios El Garrapiellu’.

AdxuntuTamañu
Microsoft Office document icon XX CONCURSU DE CUENTOS CURTIOS.doc165 KB
Contador Estadistiques