El sur d’Asturies, n’alerta naranxa por raches d’aire fuertes

L’Axencia Estatal de Meteoroloxía (Aemet) decretó esti miércoles l’alerta mariella y naranxa n’Asturies por raches d’aire fuertes. La parte más afectada pol vientu ye tola zona sur del país, onde hai “riesgu importante” según l’organismu.
 
En concreto, los conceyos onde han d’estremase les precaciones pol aire fuerte de componente sur son los del suroccidente asturianu y los de tola coordillera cantábrica y Picos d’Europa, con raches de vientu d’hasta 110 quilómetros por hora. Mentes, nel centru del país y en zones de litoral l’alerta establecida ye la mariella, con raches d’hasta 80 quilómetros por hora. Mañana, la situación va meyorar nel suroccidente, anque nel restu de zones afectaes va permanecer el riesgu importante al menos hasta les 15 hores. Pal vienres, s’espera que’l tiempu n’Asturies torne a la so normalidá.
 
Nel restu del Estáu, tamién ta n’alerta naranxa A Coruña, Cantabria y Euskadi. Mentes, con esi mesmu nivel d’alerta, anque nesti casu por lluvies, ta Pontevedra, Salamanca, Ávila y tamién A Coruña.