Los llectores d’Asturies.com consideren que los resultaos eleutorales son malos p’Asturies

Un 79 por cientu de los usuarios d’Asturies.com señaló nel nuesu ‘Conceyu Abiertu’ que los resultaos eleutorales del 25-M son malos p’Asturies. Namái un 9 por cientu de los nuesos llectores considéralos positivos pal país.
 
Mentes, un 12 por cientu optó pola opción ‘Nun sé’ na entruga sobre los resultaos d’unes eleiciones que dan un empate téunicu ente la izquierda (PSOE y IX) y la derecha (PP y Foro de Ciudadanos), con UPyD como xuez pese a tener namái un diputáu. Esta situación obliga a toles formaciones a desendolcar alcuentros cola fin d’averar postures y llegar a alcuerdos que pueden nun ser precisamente positivos pa los intereses asturianos precisamente pola fuercia que garra’l partíu centralista UPyD nesta situación nueva tres el 25-M.
 
Nel ‘Conceyu Abiertu’ nuevu, nel que yá pueden participar tolos nuesos usuarios, queremos conocer de qué color piensen que va ser el Gobiernu próximu d’Asturies según les conversaciones que tán teniendo estos díes los partíos políticos con representación nel Parllamentu enantes de la constitución de la Xunta Xeneral, prevista pal 27 d’abril al meudía.