Los llectores d’Asturies.com nun se fíen del PSOE en materia llingüística

|

Un 78 por cientu de los neusos usuarios afirma nun creyer a Ana González y dulda de que la especialidá d’asturianu sía una realidá nesta llexisltura. La conseyera comprometióse a algamala mientres la inauguración de la UABRA en Cangas.
 
Nel actu celebráu’l 29 de xunetu, González aseguró que diba a “regularizar al profesoráu d’asturianu, tanto de Primaria como de Secundaria”. Dixo apostar nesta llexislatura por “regularizar, dar carta d’identidá dientro del ámbitu educativu al profesoráu d’asturianu, y neso tien el mio compromiso”, apuntó la conseyera dirixéndose a Ana María Cano, presidenta de l’Academia de la Llingua Asturiana (ALLA), que nel so discursu previu tornó a reclamar la especialidá. “Toi convencida de que l’añu qu’entra, que voi tar equí, taremos falando d’eso, porque igual tovía nun ta finao, pero podremos dicir que tamos dando los pasos necesarios pa regularizar al profesoráu d’asturianu, tanto de Primaria como de Secundaria”, añadió.
 
Estes pallabres, sicasí, nun convencen a los usuarios d’Asturies.com. Un 78 por cientu dixo nel nuesu ‘Conceyu Abiertu’ nun fiase del PSOE en materia llingüística, mentes qu’un 15 por cientu opina que la especialidá va ser una realidá, tal y como se comprometió’l partíu de Gobiernu nel so programa eleutoral. Pela so parte, un 7 por cientu optaron pola opción ‘Nun sé’.
 
Dende esti momentu, los llectores yá pueden participar nun ‘Conceyu Abiertu’ nuevu. Nesta ocasión queremos conocer la opinión de los nuesos usuarios sobre’l futuru d’una empresa tán importante pa la economía del país como ye Arcelor-Mittal.

Comentarios

Como pa fiase!

Contador Estadistiques