8.676 euros mensuales per dos años. L’ex presidente del Conseyu Xeneral del Poder Judicial (CXPX), Carlos Dívar, cobrará una indemnización de 208.243 euros pola so condición d’ex cargu altu del Estáu.
La Fiscalía Anticorrupción opúnxose esti miércoles a la intervención xudicial de Bankia, como solicitaba’l Movimientu 15-M y UPyD. El ministeriu públicu considera “temeraria” esta midida al entender que pondría en riesgu la economía estatal.
El Conseyu Políticu d’Izquierda Xunida (IX) decidió esti martes nomar a Ángel González como voceru de la formación na Xunta Xeneral en sustitución de Noemí Martín. Esta midida aprobóse con 65 votos a favor, 5 en contra y 6 astenciones.
Los oxetivos de déficit nuevos marcaos pol Estáu obligue a Asturies a facer un axuste adicional de 95 y 200 millones nel 2013 y 2014, de manera respeutiva. Dolores Carcedo estimó estes cifres na so intervención na Xunta Xeneral.
Esta fin de selmana les Juventudes Socialistas de Asturias celebraron el so congresu, onde Unai Díaz salió escoyíu como secretariu xeneral. Les mocedaes de la FSA-PSOE van incluyir la oficialidá ente los sos oxetivos como organización.
La intervención d’Ana González nel Parllamentu pa esplicar les llinies de trabayu xenerales del so departamentu nun convenció a la XDLA. Critica la inconcreción del so discursu y la omisión de la situación del asturianu na enseñanza.
Dellos voluntarios participaron esti domingu nuna campaña de llimpieza del ríu Noreña entamada por Conceyu Abiertu por Noreña. L’oxetivu yera retirar basura del ríu nel so tramu más urbanu pa meyorar la imaxe “vergoñosa” que mantenía.
El Plenu del Consell decidió esti vienres solicitar el rescate al Estáu pa poder atender los sos pagos. Asturies refuga, de momento, acudir al instrumentu de financiación del Gobiernu estatal y negocia financiación coles entidaes bancaries.
El miércoles constituyóse la Xunta Local de Compromisu por Asturies nel Nalón. Manuel Benayas ye’l voceru de la formación nesta zona, mentes que Raquel González Revuelta ocupa’l cargu de responsable d’Organización.
Belén Fernández, conseyera de Fomentu, Ordenación del Territoriu y Infraestructures, anunció que pal 2013 va tar terminada dafechu l’Autovía del Cantábricu. El tramu ente Muros y Las Dueñas va abrise al tráficu esti mesmu añu.
