La XDLA decidió conceder a Dixebra y a Ediciones Trabe El Pegollu de los Premios Andrés Solar d’esti añu, que se van entregar el día 15 en Xixón. Los recortes en materia llingüística y la ‘Llei Wert’ foron merecedores d’El Madreñazu.
El mierense José Ángel Gayol resultó ganador del XVIII Premiu Xuan María Acebal de poesía. El xuráu escoyó, por unanimidá, ‘El llibru de les coses misterioses’ como la meyor de les nueve obres presentaes a concursu esti añu.
Tres un añu colos presupuestos prorrogaos, l’Executivu entrante del PSOE consiguió pautar unes cuentes pal 2013 xunto con IX y UPyD. El proyeutu aprobáu pol Conseyu de Gobiernu ye un 1 por cientu menor respeuto al axuste d’agostu.
El mes de payares rexistró 1.832 paraos más nel país, lo que dexa la cifra total de desemplegaos en 105.216. Asturies ye’l territoriu estatal onde más medró’l paru nel añu últimu, un 18,42 por cientu, namái superáu por Melilla (23,49 por cientu).
El ministru Wert presentó esti martes a les autonomíes un borrador nuevu de la Llei de Meyora de Calidá Educativa que quier impulsar. Ésta pretende blindar l’enseñu del castellanu y dexa nuna situación entá más complicada a l’asturianu.
El xueves pasáu, el PP sacó alantre’l decretu sobre los desallugos col apoyu del so sociu UPN y por UPyD. Compromisu critica la posición d’estes formaciones y califica de “pantomima” l’aprobación d’un testu “dictáu” pola banca.
Residentes en Madrid, Breizh o Alemaña. Los trés ganadores de los Premios Críticos de les Lletres Asturianes nun pudieron recibir el motivu que-yos entregaba la XDLA al nun tener la posibilidá de desplazase dende los sos llugares de trabayu.
El Liet International de Xixón viaxó pa Breizh. La cantante Lleuwen resultó ganadora del primer certame del festival européu de la canción celebráu n’Asturies pol cantar ‘Ar Gouloù Bev’. L’Asturiana Mining Company llevóse’l premiu del públicu.
