Cary Grant y Audrey Hepburn van falar n’asturianu en ‘Charada’, la versión na nuesa llingua del clásicu ‘Charade’ (1963) de Stanley Donen. L’equipu de doblaxe de Gonzali Producciones principió a trabayar nel estudiu’l vienres.
La Xunta pola Defensa de la Llingua Asturiana (XDLA) presentó una campaña pa promocionar el consumu de llibros y discos n’asturianu. El coleutivu vese obligáu a tomar esta iniciativa énte la pasividá de les instituciones públiques.
El Palaciu de Valdecarzana acoyó na tarde del xueves la presentación del llibru ‘Un país llamáu Dixebra’. El so autor, Francisco Álvarez, señaló qu’esti trabayu sobre la historia del grupu y les sos lletres “yera imprescindible y necesariu”.
Como ye vezu por estes feches, el Conceyu de Corvera convoca’l Concursu ‘Carta a los Reis Magos n’Asturianu’, destináu a los escolinos y escolines de Primaria. El plazu pa la entrega de trabayos va terminar el vienres día 28.
Esti xueves va presentase n’Avilés un llibru sobre la historia y les lletres de Dixebra, grupu que va ufrir un conciertu esti domingu na sala uviedina Tribeca. Francisco Álvarez firma esta obra entitulada ‘Un país llamáu Dixebra’.
El trabayu de Xulio Arbesú ‘Los deseos del dineru’ llevóse’l XVIII Premiu Máximo Fuertes Acevedo d’ensayu qu’entrega la conseyería de Cultura. Mentes, el XXXIII Premiu Xosefa Xovellanos de novela foi pa Quique Faes por ‘La vida increíble’.
‘El suañu del unicorniu’ ye’l nome de la esposición con testos billingües de Marián González Fanjul qu’acueye estos díes la Casona del Bravial de Blimea. La muestra de l’artista llocal va poder visitase’l 26 y 27 d’esti mes n'horariu de 9 a 14 hores.
Fiel a la so cita dende l’añu 2000, l’Anuariu de la Música Asturiana yá ta disponible nos puntos de venta habituales de la mano de Goxe Producciones. Esti númberu presenta un diseñu renováu dafechu y recupera’l CD que solía incorporar.
Ana González señaló que va defender na Conferencia d’Educación énte’l ministru la situación del asturianu frente a la ‘Llei Wert’. Sicasí, nun ve la oficialidá como una opción al nun la considerar como una demanda unánime de la sociedá.
L’Anguleru, responsable de llevar los regalos a les neñes y neños asturianos en Nuechebona, va protagonizar el Festival de Navidá del xueves nel colexu de Panes. Profesores y pas van representar una obra de títeres sobre esti personaxe.
