'Montes y viesques', otra ficha didáutica prestosa

Depués de disfrutar del cuentu 'El Matterhorn', proponémoste pa esti día de quedar en casa pa salvar el coronavirus una ficha didáutica. Trátase de 'Montes y viesques' y nella vas poder conocer munches coses que quiciabes nun sabíes.

El Matterhorn y el Cervinu son dos nomes pal mesmu monte, pero hai munchos más nel planeta y inclusive más altos. Cola propuesta de güei podrás conocer dalgunos d'ellos, amás de sobre les mases verdes más grandes de la Tierra, pero si busques nes munches fiches didátiques de 'A la Gueta los Suaños' vas a poder dar tamién con otres centraes n'Asturies, como una dedicada a Picos.

Pa consultar 'Montes y viesques' has de calcar equí.

Semeya obra d'Andrew Bossi baxo llicencia CC BY-SA 2.5.