'El pelegrín valiente' abre'l IV Nel Amaro

'El pelegrín valiente' de Nun Tris

Arranca'l IV Premiu y Festival Nel Amaro de Teatru Profesional en Llingua Asturiana o Gallego-asturiano cola representación de les cuatro obres finalistes. La primera va ser ‘El pelegrín valiente’, de Producciones Nun Tris, mañana a les 20 hores nesta instalación uvieína.

El turnu de los otros trés creaciones escoyíes pol xuráu del gallardón va ser nos trés vienres siguientes a la mesma hora. El Callejón del Gato va poner n’escena el día 9 ‘La neña de les trences al revés’; Higénico Papel, ganador de la segunda edición del Nel Amaro con 'Hansel y Gretel', va defender ‘El viaxe de Covaletti’ el 16; y Fantastique Company va xubir a les tables del Teatru Filarmónica el 23 con ‘El viaxe de Dorothy’.

Les entraes de baldre pa 'El pelegrín valiente' yá tán disponibles na web municipal d'Uviéu. Pal restu de representaciones van tar a disposición del públicu'l llunes anterior a cada función al meudía.

Na semeya, una representación de 'El pelegrín valiente' nel 2015.