Noticies a La Gueta

'Les madreñes vacíes' de Carlos Alba

Llueu de la representación de ‘Con M mayúscula’, de Kamante Teatro, llega’l turnu de ‘Les madreñes vacíes’ nel VI Premiu y Festival Nel Amaro de Teatru Profesional en Llingua Asturiana y Gallego-asturiano. Carlos Alba pon n’escena esta obra que naz a partir d’un poema de Miguel Hernández.

'Con M mayúscula' de Kamante Teatro

Esti vienres arranca n’Uviéu’l la fase de festival del VI Premiu Nel Amaro de Teatru Profesional en Llingua Asturiana y Gallego-asturiano. Cuatro son les obres que pasaron el corte, toes orientaes a un públicu infantil y mozu, siendo la primer compañía en defender la so propuesta Kamante Teatro, ‘Con M mayúscula’.

Cartelu redes Día de la Reciella

Esti sábadu ye’l IX Día de la Reciella, una xornada que nos años últimos vieno siempre acompañada con un cantar especial pa cada edición, ‘L’asturianu conéctate’ d’Alfredo González nésti. Canciones que van sonar nel Pueblu d’Asturies y que xuntamos nesta información pa que puedas repasales.

David Guardado, Antón García y Miguel Barrero presentación IX Día de la Reciella

Entama la cuenta atrás pal esperáu IX Día de la Reciella, que se celebra esti sábadu nel Muséu del Pueblu d’Asturies baxo’l lema ‘L’asturianu conéctate’. Per ocho hores, de 11 a 19, van entamase actividaes n’asturianu d’axedrez, cosplay, TikTok, valtu moda, música o xuegos tradicionales, ente otros.

Videoclip ‘L'asturianu conéctate’ Alfredo González IX Día de la Reciella bola

El IX Día de la Reciella yá tien cantar y videoclip. Lleva’l nome de ‘L’asturianu conéctate’ y el so autor ye Alfredo González, que va dar un conciertu’l sábadu pa pesllar la xornada familiar n’asturianu dafechu que va acoyer un añu más el Muséu del Pueblu d’Asturies.

VIII Día de la Reciella axedrez

La xornada más esperada del añu pa los más mozos yá ta equí. El sábadu viniente, 1 d'ochobre, el Muséu del Pueblu d’Asturies va acoyer el IX Día de la Reciella con actividaes d’años anteriores que repiten y novedaes, como un desfile de moda y una pinchada didáutica de música xamaicana, a los qu'hai que sumar un conciertu d’Alfredo González.