De la necesidá nació la idea y, tres más de diez años de prebes y avances, ésta fíxose posible. Pablo Carrera ta acabante de llanzar al mercáu xunto al so sociu y tamién gaiteru, Pelayo Gallego, POITER, un soporte pa posar esti instrumentu.
Gaiteros de dientro y fuera d’Asturies van tar presentes el sábadu en La Pola Llaviana p’acompañar a Pablo Carrera na presentación del proyeutu ‘POITER’. Según adelanta’l músicu llavianés, ésti “revolucionará’l mundu de la gaita”.
El conciertu de la folixa del 1 de mayu qu’entama’l FUSOA y el CSA La Semiente torna a celebrase tres un añu de parón. El Cine Ideal de Ciañu acueye otra vuelta un eventu nel que van actuar Dixebra, Skontra, Zigua, I.R.A. y Arma X.
La selmana pasada diose a conocer el programa oficial del XLIII Festival Interceltique de Lorient, edición que va tar dedicada a Asturies. Llan de Cubel, Hevia, Tuenda o Aire van ser dalgunos de los representantes asturianos en Breizh.
Mieres yá se prepara pa la Folixa na Primavera, que va tener llugar del 19 al 21 d’abril. Nesta edición va haber conciertos namái’l sábadu, cola presencia de La Tarrancha y del violinista escocés Rua Macmillan nel Parque Xovellanos.
L’Anuario de la Música Asturiana (AMAS) anunció la puesta marcha d’un concursu pa grupos asturianos de tolos estilos, de nome FestiAMAS. Ésti va dividise en cuatro semifinales, nes que tamién van actuar Dixebra y Los Berrones.
L’Alcuentru de Músiques Feches n’Asturies torna a llevar en Selmana Santa al llocal de l’Asociación Pepe Bocanegra una escoyeta de bandes del país. Asturiana Mining Company, Bon Tastu, Xera, Stroza y Skama la Rede actúen nesta ocasión.
Un carta pública a Antón Reixa del músicu xixonés Xabel Vegas llevó al presidente de la SGAE a anunciar la retirada de la demanda de la entidá que dirixe a Radio Kras. La emisora llibre debía d’afrontar un pagu de 2.328,08 euros.
Los madrilanos Habeas Corpus cumplen venti años y pa celebralo tán acabantes d’asoleyar un discu nel que collaboren 31 collacios de la banda. Xune Elipe participa con un testu n’asturianu nel cantar ‘La rabia y los sueños’.
Mapi Quintana y Luis Castañón recibieron el sábado los Premios Güestia 2013 nun actu emotivu nel Vital Aza de La Pola Ḷḷena. La Banda Gaites Güestia tamién nomó como miembros honoríficos a ‘Cai’, Fechu n’Asturies y Guzmán González.
Xunta Moza entama esti vienres una xornada alredor de la música asturiana nel CSOA La Madreña. El gaiteru y musicólogu Llorián García va dar un charra, pa depués dar pasu a un conciertu del grupu de pandereteros Cantaruxare.
Xixón y Llanes van acoyer dos conciertos de Skontra esta fin de selmana. El vienres, la banda de punk-folk actúa na xixonesa OTTO colos italianos Talco, y el sábadu, con Adizión Etílika. Mentes, Fernando Valle Roso visita Villaviciosa.
El 14 de xunetu’l grupu de folk-electrónicu Xera presentaba con un conciertu especial nel Centru Niemeyer el so tercer discu, ‘Llume’. L’espectáculu, de más d’una hora de duración, va poder vese’l domingu pela TPA.
El 13 de xunetu, a les 19 hores, va tener llugar na colunguesa Sala Loreto’l XIII Certame de Gaita Asturiana ‘Premiu Gaiteru Lliberdón’. Les persones interesaes en participar tienen hasta’l 20 de xunu pa formalizar la so inscripción.
El cantar ‘Ensin ti’, de Taranus, resultó ganador del VII Premiu al Meyor Cantar que se celebró’l viernes nel Teatru de la Llaboral ente glayíos d’oficialidá. La banda de folk-metal va representar a Asturies nel Liet International de Còrsica.
El Teatru de la Llaboral acueye esti vienres la gala del VII Premiu al Meyor Cantar, que va poder vese de madrugada pela TPA. ACD, Aire, Fala non Caduca, La Tarrancha y Taranus son les formaciones qu’aspiren al gallardón que da plaza pal Liet.
Esti vienres va celebrase en Xixón la gala del VII Premiu al Meyor Cantar. Por esti motivu, RPA va emitir dos especiales nel que Xune Elipe va analizar la trayeutoria d’esti gallardón, amás de falar colos finalistes d’esti añu.
El gaiteru y direutor de la banda La Laguna del Torollu, Iñaki Santianes, ta acabante de sacar a la cai’l so segundu trabayu discográficu, ‘Brehinks’. L’uviedín va presentar el discu esti martes nel Club de Prensa Asturiana de la capital.
La banda de mecigayu-ska La Tarrancha nun para. Tres asoleyar a últimos del añu pasáu el discu ‘Mezigayuska’ y de llevalu a direuto, ta anguaño trabayando nun álbum con cantares d’esi mesmu trabayu en llingües minoritaries.
Un conciertu en Xixón va abrir esti miércoles la xira de Fred Bougouin per Asturies. El músicu de Poitiers, que va tar acompañáu en dalgunes pieces por Dani García de la Cuesta, tamién va tocar l’arpa céltica en Valdés y Colunga.
