Los Berrones viende toles entraes pal conciertu de despidida de la xira

Unes 600 persones van axuntase nel Albéniz pa disfrutar de l'actuación de los de Tolivia.

Na tarde d'ayeri Los Berrones anunciaba una noticia esperada: escosáronse les entraes pal conciertu de mañana en Xixón. La histórica banda d'agro-rock n'asturianu despide la xira ‘Añu 1 D. C. (Dempués del COVID)’ pol 35 aniversariu, qu'arrancó en xineru del 2022 n'Avilés, y los sos siguidores nun falten a una cita especial pola anunciada presencia de collaboraciones y pol fechu de celebrase en sala.

El preciu de les entraes yera de 18 euros, más los gastos de xestión. L'aforu del Albéniz ye de 617 persones, comuniquen dende la organización, polo que la folixa ta garantizada nun conciertu que va arrancar a les 21.30 hores, con apertura de puertes una hora enantes.

Na semeya, los integrantes de Los Berrones posen col públicu qu'enllenó la esplanada de la xixonesa sablera d'El Natahoyo en branu del 2022.