Los asistentes al Conceyu Fundacional del procesu Compromisu decidieron nomar Compromisu por Asturies a la federación de partíos que pretende axuntar a tol asturianismu. Yolanda Huergo salió escoyida vocera de la formación.
Na medianueche d’esti sábadu cientes de fogueres van quemar n’Asturies pa celebrar San Xuan. La nueche más máxica del añu va trayer un abanicu grande d’opciones pa disfutar d’una de les cites más esperaes del añu.
L’Auditoriu d’Uviéu acueye esti sábadu, dende les 9.30 hores, el Conceyu Fundacional del procesu Compromisu, nel que participarán unes 300 persones. Los presentes van escoyer el nome de la organización y la so Executiva.
El salón d’actos de la Biblioteca d’El Berrón va acoyer el I Conceyu Nacional de Conceyu Abiertu el sábadu 30 de xunu. Ésti ta abiertu a cualquier persona que tea interesada en participar nesti proyeutu de calter municipalista.
Esti sábadu va celebrase en Bimenes la Romería de la Oficialidá, eventu que ye una continuidá de la Fiesta de la Oficialidá de la Llingua Asturiana. La escritora Ana Vanessa Gutiérrez va ser la encargada de lleer el pregón.
Les sedes del Partido Popular (PP) de Mieres, Ayer, Uviéu, Xixón, Siero y Llaviana sufrieron ataques na madrugada del martes. Éstos taríen venceyaos cola fuelga indefinía que mantién el sector mineru del carbón.
Les polítiques que se tán aplicando pola crisis frayen el derechu a la vivienda, a la educación y a les ayudes sociales a los más desfavorecíos. Ésta ye la opinión de la Procuradora Xeneral y de dellos espertos en derechu.
Les persones que quieran tener voz y votu nel Conceyu Fundacional del procesu Compromisu tienen hasta esti domingu p’apuntase al censu. El sábadu 23 de xunu ye la fecha na que va tener llugar el congresu.
Guillermo Martínez, voceru del Gobiernu, pidió de forma pública “soluciones” a Mariano Rajoy pal caltenimientu de l’actividá minera. L’Executivu almite que sigue con “preocupación” el conflictu xeneráu pola mengua nes ayudes al carbón.
Los 2.000 profesores interinos asturianos van entamar una fuelga indefinía pola situación na que s’alcuentren polos recortes previstos na educación pública. Tamién van aniciar una acampada frente a la Delegación del Gobiernu estatal.
La fusión de la Romería Asturiana que tenía llugar en mayu en Bimenes cola Fiesta de la Oficialidá da como resultáu la Romería de la Oficialidá. Nesta primer edición va adelantase al 16 de xunu pa nun coincidir col Festival de la Sidra de Nava.
Un moción presentada por UNA-Bloque en Carreño pa declarar a Jesús Sanz persona non grata nel conceyu salió alantre col apoyu del PSOE, IX, PCPE y UICA. La razón, la so defensa al obispu d’Alcalá poles sos declaraciones sobre los gais.
Los ocho conseyeros del equipu de Gobiernu de Javier Fernández prometieron esti llunes los sos cargos. Guillermo Martínez Suárez, responsable de Presidencia, anunció que va encargase de les árees d’Igualdá, Mocedá y Xusticia.
La Xunta Xeneral va acoyer, al meudía d’esti llunes, la toma de posesión de los ocho conseyeros que conformen l’Executivu de Javier Fernández. Pela tarde, a les 17 hores, va tener llugar la primer reunión del Conseyu de Gobiernu.
Delles decenes de persones concentráronse’l sábadu frente a la Xunta Xeneral, coincidiendo cola toma de posesión de Javier Fernández, pa conmemorar el 25 de mayu. Reivindicaron la soberanía de les instituciones asturianes.
El 25 de mayu del 1808, la Xunta Xeneral proclamóse soberana rebelándose contra les tropes franceses de Napoleón qu’invadieren el país. Esti vienres cúmplense, ensin nenguna conmemoración institucional, 204 años d’esa fecha.
El PSOE va gobernar en solitariu n’Asturies tres la decisión de la militancia d’Izquierda Xunida de nun entrar nel Executivu. Los socialistes teníen previsto ceder a la coalición les conseyeríes de Bienestar Social y Vivienda, y Agroganadería.
Siete coleutivos reivindiquen nun manifiestu'l 25 de mayu como una fecha clave na historia del pueblu asturianu. Denuncien “la manipulación histórica y l'esborramientu identitariu fechu demientres sieglos pol sucursalismu español”.
Per tercer xueves consecutivu, la comunidá educativa de Cabrales concentróse frente al centru en defensa de la educación pública. Anuncia que va siguir movilizándose en protesta polos recortes que quier imponer el Gobiernu estatal.
Les declaraciones del presidente del país, Javier Fernández, sobre’l ‘casu Marea’ sorpendieron al Bloque por Asturies. La formación nacionalista califica de “pantomima” la creación d’una comisión parllamentaria pa investigar esti asuntu.
