'Podemos Principado de Asturias', el nome de la candidatura en Xixón, Villaviciosa y Siero

El partíu confirma que va iguase l'error y que va usar siempre'l de la formación col topónimu asturianu del conceyu d'apellíu.

En Xixón, Villaviciosa y Siero rexistróse la candidatura de Podemos como 'Podemos Principado de Asturias'. Ye'l nome qu'apaeció esta mañana nel BOPA coles llistes treslladaes poles diferentes xuntes eleutorales de zona.

Un denominación que, según pudo confirmar Asturies.com, ye un error. Non l'únicu, porque, apuntaron, la candidatura de Llangréu, que apaez como 'Podemos', yá lo iguó pa dir como 'Podemos Llangréu'.

Ésta ye la fórmula que, asegura'l partíu, va emplegase en tolos conceyos. Otra manera, les d'Ayer y Ḷḷena apaecíen güei como 'Podemos-Aller' y 'Podemos Lena', lo que tamién se camudaría.

Na imaxe, captura del BOPA de la candidatura de Podemos de Xixón, Villaviciosa y Siero.