Podemos dexa fuera de la llista a Fernández

Ana Taboada pasa del quintu puestu al cuartu.

La direición de Podemos nun atendió les demandes nin presiones del equipu de la candidata Cova Tomé, zarraos dende'l xueves hasta güei nel llar social de Xixón xunto con militantes. Pasaes les 22 hores d'ayeri, a poco más d'una hora del final del plazu, la secretaria d'Organización y Finances, Olaya Suárez, rexistró les llistes pa les trés circunscripciones na Xunta Eleutoral d'Asturies, mientres fuera un piñu de simpatizantes reclamaba'l cumplimientu del resultáu de les primaries.

A la salida Xune Elipe y Laura Tuero, númberu 2 y 3 de llista, que desconocíen la decisión que tomara la direición del partíu nesi momentu, pidieron esplicaciones a Suárez, que marchó del llugar con rapidez ensin querer dales. Finalmente sería polos medios de comunicación como Elipe y Tuero s'enteraron de que Jorge Fernández Iglesias quedaba fuera de la mesma cola escusa del espediente abiertu y que Taboada, númberu 5 de la llista, saltaba al númberu 4.

El médicu anunciara ayeri que, nel casu de ser apartáu, como asocedió, diba tomar midíes llegales.