El vienres pasáu celebróse’l XXXVI Día de les Lletres Asturianes. Asturies.com tuvo presente tanto na manifestación como nel actu académicu convocaos nesta xornada y ufre una galería de semeyes de les dos actividaes.

“Vamos trabayar por un consensu políticu y social al rodiu del patrimoniu llingüísticu, non a esperar por ello”, aseguró Inaciu Iglesias tres la presentación esti martes del programa eleutoral de Foro na estaya de Cultura. La formación apunta qu’apoyará, cuando sea dean les condiciones que permitan la reforma del Estatutu, la oficialidá de les llingües d’Asturies.

El proceder del Partido Popular (PP) n’Asturies y Xixón, alloñáu “d'esi lliberalismu social, de progresu y asturianista, fondamente democráticu, que non pocos militantes díbemos propugnando”, lleva a Humberto Gonzali a abandonar la militancia. L'escritor y xestor cultural presentó la baxa’l sábadu.

Asturies.com, gracies a la collaboración de l’Asociación de Llibreríes del Principáu d’Asturies, sortió cuatro exemplares de ‘Blimes Nueves/Bringas Novas’. Los ganadores acertaron la entruga que plantegamos sobre’l llibru conmemorativu de la XXXVI Selmana de les Lletres Asturianes.

“¿Daquién con xacíu pue dexar pasar esta oportunidá y refugar esta ufierta?” entrugóse Ana María Cano, presidenta de l’ALLA, nel actu académicu del XXXVI Día de les Lletres Asturianes depués d’ufrir a los partíos moderar un procesu d’oficialización de l’asturianu “axustáu a les necesidaes d’Asturies”. Enantes, alredor de 3.000 persones pidieron la oficialidá peles cais d’Uviéu.

Esti vienres celebróse nel Teatru Campoamor el XXXVI Día de les Lletres Asturianes. Asturies.com ufre’l discursu institucional completu que la presidenta de l’ALLA, Ana María Cano, lleó sobre les tables del teatru uviedín.

Asturies celebra esti vienres el XXXVI Día de les Lletres Asturianes. L’actu de l’ALLA nel Teatru Campoamor centra l’actividá d’una xornada na que la institución académica va aprovechar pa reconocer los 30 años de trabayu de la XDLA. Tamién va haber sitiu pa la reivindicación, yá que’l coleutivu cívicu entama n’Uviéu la manifestación ‘L’asturianu, llingua oficial’.

Gracies a la collaboración de l’Asociación de Llibreríes del Principáu d’Asturies, Asturies.com va sortiar ente los sos llectores cuatro exemplares de ‘Blimes nueves/Bringas novas’, el llibru conmemorativu de la XXXVI Selmana de les Lletres Asturianes. D’esta forma queremos celebrar el Día de les Lletres Asturianes con vosotros, los que nos siguís a diario.

Per tercer añu consecutivu, la Feria del Llibru y Discu n’Asturianu abre les sos puertes n’Avilés coincidiendo cola Selmana de les Lletres Asturianes. La presentación del ensayu ‘Caleya Sésamu’ de Damián Barreiro, que defendió la dignidá de los periodistes que trabayen en llingua asturiana, inauguró les actividaes previstes hasta’l domingu na Pescadería Municipal Antigua.

El secretariu xeneral de Podemos Aragón y candidatu a les Cortes aragoneses, Pablo Echenique, refugó nuna entrevista n’Antena 3 la oficialidá del aragonés y el catalán al nun falase “na mayor parte del territoriu”, y apostó por defender la so proteición. N’Asturies, Podemos recibe critiques por facer coincidir un mítin eleutoral d'Íñigo Errejón cola manifestación de la XDLA y l’actu académicu del Día de les Lletres Asturianes.