Ganadores del sortéu del llibru conmemorativu ‘Blimes nueves/Bringas novas’

Asturies.com, gracies a la collaboración de l’Asociación de Llibreríes del Principáu d’Asturies, sortió cuatro exemplares de ‘Blimes Nueves/Bringas Novas’. Los ganadores acertaron la entruga que plantegamos sobre’l llibru conmemorativu de la XXXVI Selmana de les Lletres Asturianes.

Ésta yera ‘¿Qué conteníu tien el llibru ‘Blimes nueves/Bringas novas?’, siendo la respuesta “los trabayos ganadores del XX Certame de Creación Artística y Lliteraria entamáu pola Conseyería d’Educación, Cultura y Deporte”. Los concursantes qu’acertaron la entruga y que van poder disfrutar d’esta prestosa obra con dibuxos y testos escolares son Carlos Valerio Castañón, Belén Rivas, Bertu Arévalo y Xabel Morán. A lo llargo d’esta selmana pondrémonos en contautu colos ganadores del sortéu pa face-yos entrega d’esti llibru conmemorativu.