Eleiciones 2015

Javier Fernández resultó vencedor de les eleiciones n'Asturies pese a sufrir un baxón importante de votos. La FSA-PSOE, col 98,43 por cientu escrutáu, algama 14 diputaos, 3 menos que nel 2012, al sumar un 26,37 por cientu del total de votos (32,10 por cientu nes anteriores). El PP aumenta a 11 escaños y Podemos entra con 9 nun Parllamentu con seis partíos representaos.

El PP ganó otra vuelta n'Uviéu, onde Somos Oviedo entra con fuercia. La candidatura d'Agustín Iglesias Caunedo llogra algamar los 11 ediles que sumó Gabino de Lorenzo nel 2011, mentes que la candidatura avalada por Podemos suma 6. Foro queda fuera de la Casa Conceyu al perder los sos 7 conceyales.

Esta mañana retiráronse les papeletes d'Andecha Astur en munchos colexos asturianos por tar en llingua asturiana. La Xunta Eleutoral validara per primer vegada ensin torgues les papeletes n'asturianu de la formación nacionalista, pero non la so distribución. Andecha nun descarta impugnar les eleiciones.