Asturies.com presenta una galería de semeyes del XXXVI Día de les Lletres Asturianes

El vienres pasáu celebróse’l XXXVI Día de les Lletres Asturianes. Asturies.com tuvo presente tanto na manifestación como nel actu académicu convocaos nesta xornada y ufre una galería de semeyes de les dos actividaes.

La Xunta pola Defensa de la Llingua Asturiana (XDLA) entamó una manifestación con salida na Estación del Norte d'Uviéu y final nel Teatru Campoamor, onde l’Academia de la Llingua Asturiana (ALLA) celebró’l so actu académicu. La institución quixo reconocer nesta ocasión los 30 años de trabayu de la XDLA, que tuvo representada pol so voceru nacional Carlos Pulgar. Ana María Cano, presidenta de l’ALLA, plantegó a les fuercies polítiques nel so discursu institucional un procesu d’oficialización “axustáu a les necesidaes d’Asturies’ nel que la propia Academia actuaría de moderador.