La selmana pasada, el gobiernu del PSOE en Carreño sacaba alantre los presupuestos municipales col apoyu del conceyal d’UNA-BA, Roberto Holgado, y del PCPE. Compromisu fixo públicu esti llunes l’alcuerdu colos socialistes.
PP, FAC y PSOE apoyaron por unanimidá la iniciativa d’Izquierda Xunida d’Uviéu na que pidía que’l Consistoriu aceptara escritos n’asturianu. El Conceyu d’Uviéu va redautar una ordenanza municipal que regule l’usu del idioma del país.
Pilar Fernández, Antón García, Taresa Lorences y David Guardado aldericaron sobre’l futuru de la llingua nun actu de la Fundación Caveda y Nava moderáu por Ramón d’Andrés. Los espertos consideren clave asegurar la tresmisión xeneracional.
El fundador d’Ediciones Trabe, Antón García, y la codireutora de la editorial anguaño, Esther Prieto, protagonizaron esti miércoles un actu na Casona del Bravial. Nél repasaron la trayeutoria de la empresa uviedina nos sos 21 años de vida.
La campaña d’Iniciativa pol Asturianu pa buscar la implicación de les empreses nel usu del asturianu yá ta en marcha. Ésta, que lleva’l nome ‘La empresa asturiana muévese!’, va presentase na sede central de FADE’l 14 de xunu.
De Monteana a Montiana. La escuela del barriu de la parroquia xixonesa de Fresno, que cuenta con 90 alumnos, ta acabante de camudar el nome p’adaptalu a la toponimia oficial. D’esta forma, sigue los pasos d’otros centros, como’l de Xove.
La decisión de l’Audiencia Provincial de Palma de desimputar a la infanta Cristina nun prestó a los usuarios d’Asturies.com. Los nuesos llectores creen qu’hai tratu de favor de la xusticia española hacia la fía del rei Juan Carlos I.
El sábadu cumpliéronse 205 años de la proclamación de soberanía de la Xunta Xeneral pa declarar la guerra al exércitu francés. Esta fecha, el 25 de mayu, ye defendida pol historiador Faustino Zapico como l’afayadiza pa celebrar el Día d’Asturies.
Les fornes tradicionales barru de Torazu van trabayar a estayu esta fin de selmana. La población cabraniega celebra’l domingu’l Festival de la Boroña de Forna, certame que tamién inclúi un mercáu tradicional, ente otres actividaes.
La emisora única n’asturianu dafechu sigue lluchando pa sobrevivir. Tres el balón d’oxíxenu que supunxeron les aportaciones económiques de primeros d’añu, Radio Sele precisa agora de socios pa siguir cola actividá y tornar al FM.
